Biblioteca da Maga Tomasa

Celebración do Nadal

2011-12-22T19:20:00.003+01:00

O día 21 de decembro tódol@s alumn@s e profesores do colexio celebramos xuntos a chegada do Nadal. Bailamos, cantamos panxoliñas e mesmo asistimos a unha cea de Nadal preparada polas nosas "meiguiñas" de 2º (fantásticos actores e actrices @s nen@s deste curso).

Despois gozamos dunha sesión de cine con debuxos para os máis pequenos e unha estupenda película relacionada cos xogos olímpicos para os maiores: "Elegidos para el triunfo. Jamaica bajo cero". Unha historia baseada en feitos reais que merece a pena ver en familia e que, dende aquí, vos recomendamos. Un xeito estupendo de comprender o valor do esforzo, do afán de superación e o verdadeiro sentido dos xogos olímpicos ... e do deporte en xeral. Valores todos eles que deberían estar presentes na vida de todos nós.

Animádevos a vela cos vosos fillos. Seguro que compartides un tempo moi feliz.

5º viaxa á Antiga Grecia

2011-12-19T17:10:00.000+01:00

Os alumnos e alumnas de 5º adicaron unha sesión da semana pasada a traballar nunha webquest que nos pasaron os compañeiros e compañeiras do CEIP de Rubiáns a tódolos centros que, dentro do proxecto PLAMBE, estamos a traballar os xogos olímpicos.

Baixo o título de "Viaxamos á Antiga Grecia?" puideron facer un primeiro achegamento á antiga Grecia e á súa cultura, centrándose en aspectos como a moda da época, o seu alfabeto (mesmo escribiron os seus nomes en grego), a ciencia e a arte , como comprendían eles a Terra, o Sol e as estrelas e, como non, os deuses do Olimpo e a mitoloxía grega.

O caso é que gozaron moitísimo desta actividade e, mostra delo, son estas fotos que vos deixamos aquí.

Viaxamos á Antiga Grecia - presentacion imagenes

4º investigando na biblioteca

2011-12-19T17:00:00.000+01:00

Aquí estamos os rapaces e rapazas de 4º para amosarvos unhas imaxes do noso traballo de investigación na biblioteca do colexio.

Este ano estudiamos os catro grupos dos seres vivos, así que estivemos buscando información sobre os animais, as prantas, os fungos e os microorganismos para, despois, elaborar uns murais que nos quedaron moi chulos e que temos expostos na nosa clase.

4º investigando na biblioteca - presentacion imagenes

10 de Decembro: Día dos DDHH

2011-12-09T21:54:00.001+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

HIMNO OLÍMPICO

2011-12-07T10:28:00.003+01:00

Ola a todos!
Este primeiro trimestre os alumnos e alumnas de 6º curso traballaron sobre o Himno Olímpico: cando xurdiu, quen compuxo a música, de quen é o texto, cando e como chegou a ser elixido Himno Olímpico..... e outras curiosidades máis que deixaron plasmadas nun mural que podedes ver na entrada do colexio.

E aquí vos deixamos un vídeo no que o podedes escoitar, ó tempo que disfrutades dunhas estupendas imaxes deportivas.

CULTURGAL 2011

2011-11-29T09:56:00.002+01:00

Ola a todos. Hoxe traemos unha nova moi interesante: "Culturgal 2011".

Culturgal é o fogar da cultura galega. Unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas e ventás abertas sempre cara á sociedade.

Para máis información, preme abaixo:

CULTURGAL

OCIOENPONTEVEDRA

"BARCELONA"

2011-11-14T16:26:00.005+01:00

Como xa sabedes, o 22 de Novembro celébrase o día de Santa Cecilia, a patrona dos músicos. Este ano, no que traballamos os Xogos Olímpicos, a través do panel de información da nosa Biblioteca, descobrimos moitísimas cousas sobre unha das máis belas cancións das Olimpiadas. Referímonos á que foi canción oficial dos Xogos Olímpicos Barcelona ´92: "Barcelona".
O único que non poidemos facer a través do panel informativo foi escoitala, así que aquí vos deixamos este vídeo para que poidades disfrutar dela tal e como foi interpretada no concerto de Montjuic, previo á celebración dos Xogos.

Esperamos que vos guste!!!

MOCHILAS VIAXEIRAS 11-12

2011-10-25T17:13:00.005+02:00

Co gallo da celebración do día das bibliotecas o 24 de outubro, no noso cole puxemos a rodas as mochilas viaxeiras, con contidos renovados: poesía, libros para familias, música... Viaxarán polos fogares de todos/as os/as nenos/as durante todo o curso.
Este ano as mochilas foron entregadas dun xeito especial polos nosos axudantes de biblioteca (con imposición de bandas e todo) que foron polas aulas presentando as mochilas e explicando os contidos, as normas...

Os/as nosos/as axudantes de biblioteca merecen unha mención especial: están motivados descobrindo todas as posibilidades da nosa biblio, teñen ideas orixinais e novidosas, orientan aos rapaces/rapazas máis pequenos/as cando veñen coller libros de préstamo...
A Biblioteca da Maga Tomasa de seguro fará un sprint este ano grazas á súa axuda!

SEMANA DO LIBRO

2011-04-12T12:27:00.002+02:00

Os días 13, 14 e 15 de abril, nos nosos bosques de lectura, coñeceremos a

GIANNI RODARI

Faremos lecturas rodarianas e o pasaremos moi ben!!!

Para celebrar o Día do Libro, 23 de abril de 2011, as mestras Patricia, Vanesa, Pilar, Sali e Paloma narrarán ós alumnos de primaria contos de Rodari, como "El camino que no iba a ninguna parte", entre outros.
E os rapaces e rapazas de educación infantil poderán disfrutar da representación de "A outra historia de Carapuchiña" a cargo dos excelentes actores e actrices de 1º de primaria.

Dúas novas series infantís de animación en galego.

2011-04-09T16:43:00.003+02:00

OQO editora, en colaboración coa TVG, anuncia a próxima emisión de dúas series infantís de animación audiovisual, feitas en Galicia e en galego: Caracois e Os contos do Camiño. Ambas están baseadas en exitosos álbums ilustrados de OQO editora que forman parte das bibliotecas escolares e das librerías desde 2005, ano en que botou andar a editorial galega.
Se queredes máis información, visitade a páxina web do noso centro.

" O MEDO DE MO"

2011-03-22T13:33:00.004+01:00

Este é o título da lectura recomendada no pasado Nadal para os nenos e nenas do primeiro ciclo.
Hoxe disfrutaron dunha sesión de contacontos...Ben, en realidade, máis ben foi que os rapaces contaron todo o que leron no libro, nunha actividade interactiva que rematou coa invención, entre todos, dun rap a partir de 5 palabras (doce, corazón, amigos, amor e primavera):

"Cando chega a primavera
doces amigos
con todo o corazón
para amar ós inimigos"

Xa só fai falla un pouco de imaxinación para poñerlle ritmo.

ANIMAR-TE NO COLE!

2011-03-18T13:34:00.006+01:00

O mércores 16 de maio tivemos unha visita moi, moi animada e divertida!
Estiveron no noso cole os rapaces de ANIMAR-TE, que trouxeron a obra "A historia de Martín", un espectáculo cheo de cancións, risas, sorpresas... pasámolo fenomenal, rimos moito, cantamos, bailamos,... e descubrimos que todos somos diferentes pero igual de importantes e necesarios.
Moitas grazas a Xiada e Miguel por facernos pasar unha mañá tan abraiante!

Podedes ver as fotos con máis detalle na Galería da páxina web do cole.

É VERDADE!

2011-03-18T10:07:00.004+01:00

O xoves 3 de marzo visitamos o Salón do Libro de Pontevedra. Este ano, co tema "É mentira", coñecimos a historia do rato Paco Trolas, que se metía en líos por non dicir a verdade...
Foi un espectáculo chulísimo, con imaxes, luces,... e o acompañamento marabilloso da música do Seminario Permanente de Jazz de Pontevedra que cativou a todos os nenos e nenas.
Antes de irnos estivemos saudando a ORBIL, a mascota do Salón, e lle prometimos voltar o vindeiro curso.
Todas as fotos na Galería da páxina web do centro

2011-03-04T09:58:00.005+01:00

O 18 de febreiro comezou a andaina da nosa BIBLIOTECA DE FAMILIAS. Son xa moitos os pais e nais que se achegaron á entrada da sala da ANPA, onde se pode atopar unha pequena escolma de títulos sobre crianza ("Todas las madres del mundo"), estilos educativos ("El arte de educar"), guías de lecturas axeitadas ás diferentes idades... que esperamos sexan do voso interese.

Dende o noso proxecto de "Casas lectoras" gustaríanos que as familias recuperedes o tempo para a lectura, porque:

"A lectura da noite é, de seu, un ritual que se debe respectar(...)Sabemos canto reduce a angustia poñer palabras ao que vivimos e compartir esas palabras".

GENIÉVE PATTE.

Lecturas de Nadal

2010-12-21T11:50:00.003+01:00

Dende a Biblioteca da Maga Tomasa desexámosvos moi bó Nadal e un 2.011 cheo de felices lecturas.
Podedes consultar aquí o tríptico elaborado no cole coas lecturas recomendadas para cada ciclo educativo.

Vémonos en xaneiro con máis sorpresas.

Contacontos familiar.

2010-12-21T11:44:00.003+01:00

Neste cole temos familias moi lectoras e colaboradoras....4 mamás atrevidas da clase de infantil 4 anos visitaron o cole e contaron "Os chibos, chibóns" e "Cocorico" cunha montaxe espectacular que elas mesmas elaboraron.

E para rematar, a galiña (mamá do pitiño Cocorico) trouxo biscoito para todos.... que rico!

Éxito de "Contamos todos".

2010-12-21T11:32:00.008+01:00

Máis de 40 familias acudiron este venres 17 ao obradoiro "Contamos todos", no que disfrutamos de dúas horas de consellos, estratexias e diversión para utilizar cos nosos fillos nos momentos de lectura na casa.

Grazas a todas elas.

Obradoiro para familias "Contamos todos"

2010-12-15T09:38:00.002+01:00

Dende a Biblioteca da Maga Tomasa queremos convidarvos o vindeiro venres 17 ao obradoiro para nenos/as e familias "CONTAMOS TODOS" impartido por Amalia Pérez Otero en horario de 17 a 19 horas, no que, dun xeito ameno para pais e rapaces analizaranse os aspectos positivos da lectura e dos libros na casa. Aprenderemos a contar e inventar contos aos fillos/as coa finalidade de que sexa un momento de encontro e, asemade, fomentar o gusto pola lectura.
Na entrada do cole tedes algún dos libros desta mestra, psicopedagoga e escritora para poder consultalos. E aquí tedes o seu blog.
Esperámosvos.

SEMENTANDO LECTORES

2010-11-26T10:56:00.003+01:00

O pasado 22 de outubro tivemos unha concurrida xuntanza na aula de infantiol de 4 anos e inauguramos de xeito solemne (con doces incluídos) o clube "Sementando lectores". Falamos de lecturas para nenas e nenos, para adultos... Visitamos a biblioteca do noso cole e despois de moito falar...percatámonos de que queda moito por facer!
E continuaremos neste traballo cunha actividade "especial para familias" no mes de Nadal da que vos falaremos proximamente.
Mirade que guapas e formadas familias lectoras de Navia...

Érase un día, una poesía.

2010-11-26T10:27:00.003+01:00

O pasado día 4 de novembro, os alumnos de 6º curso prepararon un recital de poesía no que deron lectura a poemas creados por eles. Invitaron aos seus pais e nais, pero non só como espectadores, senón a participar tamén lendo unha poesía que escolleran para a ocasión. Ó inicio do acto, recibiron unha sorpresa por parte dos alumnos de 4 anos que recitaron unha poesía que lles gusta moito. Foi un momento cargado de sensibilidade e emoción, onde houbo cabida para a multiculturalidade, pois se recitaron poemas en castelán, galego, portugués, grego e árabe. En fin, unha iniciativa que foi do agrado de alumnos, profesores e pais, da que vos deixamos unha mostra a través destas fotos.

ACTIVIDADES PARA A FIN DE SEMANA

2010-10-19T11:40:00.011+02:00

Co gallo da celebración, este domingo 24, do día das bibliotecas escolares de Galicia, temos propostas interesantes para toda a familia:

O venres 22, ás 16.30 horas, un grupo de familias de infantil-4 anos xuntarase no clube "Sementando lectores".

O mesmo venres 22 , ás 18.30 horas, na libraría Libros para Soñar (rúa Triunfo) haberá unha actividade de contacontos.

E o domingo 24, ás 12 horas,máis actividades no VERBUM.

Festival Letras Galegas 2010

2010-05-25T10:33:00.002+02:00

Para ver as fotos do Festival das Letras Galegas preme aquí

http://alfonsorodriguezcastelao.blogspot.com/2010/05/festival-letras-galegas-2010.html

Novidade Fresca!

2010-02-22T17:30:00.004+01:00

Ola, ola! Teño unha noticia de última hora; de gran interese para os amantes dos contos.
Lembrades
"O INCRIBLE NENO DEVORADOR DE LIBROS"
da Editora PatasdePeixe

Pois tivemos a sorte de que esta gran editora puxera no mercado galego outros dos grandes libros:

PERDIDO?
e
A VACA QUE PUXO UN OVO.

Como é unha editora pequena e familiar os aconsello que contactedes directamente con ela para conseguir máis rapidamente os contos (info@patasdepeixe.es)

O Mago de Goma

2010-02-18T16:47:00.003+01:00

LIBROS PARA SOÑAR RECIBE MAÑÁ VENRES 19 AO AUTOR TOÑO NÚÑEZ, QUE PRESENTARÁ O SEU LIBRO “MAGO GOMA”

O profesor e escritor lucense Toño Núñez vai ser o invitado de honra na sesión de animación á lectura que se celebrará mañá a partir das 18:30 horas en LIBROS PARA SOÑAR. O autor vai presentar o seu último libro, “Mago Goma”; un relato rimado sobre un personaxe divertido,

entrañable e excéntrico. Un mago que, malia parecer algo tolo, o único que quere é facer felices aos nenos e nenas, porque só así é feliz el.

LIBROS PARA SOÑAR | r/ Triunfo, 1. Vigo | 986 43 37 68

máis fotos do Entroido 2010!

2010-02-15T21:53:00.000+01:00

Preme no seguinte enlace se queres ver as fotos que enviou o noso amigo Paco.

http://alfonsorodriguezcastelao.blogspot.com/2010/02/mais-fotos-do-entroido-2010_15.html

FOTOS ENTROIDO CASTELAO 2010

2010-02-15T21:04:00.004+01:00

Ola, ola! Se queredes ver as fotos do Entroido que celebramos o venres 12 de febreiro no noso colexio preme na foto

Personaxes do Entroido!

2010-02-12T08:38:00.001+01:00

Ola! Este Entroido estivemos coñecendo os Personaxes máis típicos do Entroido en GaliciaEstes son os traballos que fixemos.Esperamos que vos gusten!Abur e bo Entroido!

Entroido na libraría Kalandraka!

2010-02-11T20:35:00.001+01:00

LIBROS PARA SOÑAR CELEBRA MAÑÁ A SÚA FESTA DE ENTROIDO

CON CONTOS SOBRE O AMOR E OBRADOIRO DE MAQUILLAXE

LIBROS PARA SOÑAR celebra mañá venres, a partir das 18:30, a súa habitual sesión

de animación á lectura, que estará adicada ao Entroido. Os visitantes da libraría infantil do Casco Vello

acudirán disfrazados á súa cita semanal cos libros e coa oralidade; por un día converteranse en princesas,

heroes, piratas, fadas e personaxes dos seus contos favoritos. Tamén haberá un obradoiro de maquillaxe

para que todos luzan a mellor caracterización acorde ao vestiario dun día tan especial.

Chega a Maga do Entroido!

2010-02-09T21:18:00.003+01:00

Se queres coñecer as ordes da Maga do Entroido preme na foto!

Salón do libro de Pontevedra

2010-02-09T18:06:00.005+01:00

DO 7 DE FEBREIRO AO 14 DE MARZO

O Salón do Libro está pensado para o goce compartido. Nenos e adultos que se divirten e descobren xuntos o mundo dos libros. Atoparedes un amplo programa de actividades para toda a familia. Para os máis cativos e tamén para os maiores.
Preme na imaxe para ter máis información

Máscaras galegas!

2010-02-02T22:01:00.004+01:00

Queres coñecer as máscaras típicas galegas!
Preme no blogue de "Dinamiza e Normaliza Castelao"

Especial Entroido!

2010-02-02T20:44:00.004+01:00

Ola, ola! Aqui tedes material de consulta para saber máis cousas do Entroido.
Esperamos que vos guste.
Preme na imaxe.

Cancións para a paz.

2010-01-26T21:12:00.002+01:00

Esta canción a cantarán os nenos e nenas da Escola Unitaria de Vide.
Trátase dunha canción popular congolesa cantada en lingua lingala.
¡Probade a facer o karaoke!

Nadal 2009

2010-01-22T16:21:00.002+01:00

Ola familias! Grazas ao xentil Paco xa temos aquí as fotos da Festa de Nadal
Saúdos

Música para o Día da Pâz

2010-01-21T20:30:00.001+01:00

Outra canción para o Dia da Paz, a de Macaco "Moving"
Saúdos.

Recursos para o Dia da Paz

2010-01-19T10:35:00.005+01:00

Ola, ola! O meu amigo Mik chega cargado cunha manchea de recursos para o Dia da Paz .
Preme na imaxe para ir ao seu recanto.
Saúdos

Saúdos.

Música para traballar o Dia da Paz- Color esperanza

2010-01-19T10:22:00.003+01:00

Ola, Ola! A partires da canción "COLOR ESPERANZA"de Diego Torres podemos traballar o DIA DA PAZ.
Esperamos que vos guste.
Saúdos

Música para do Dia da Paz

2010-01-18T08:51:00.001+01:00

Música para o Día da Pâz

2010-01-17T20:02:00.001+01:00

Music Playlist at MixPod.com

Máis música para o Día da Paz que nos propón os compañeiros/as do CEIP Isaac Peral
Saúdos

Create a playlist at MixPod.com

Recursos para "o Dia da Paz"

2010-01-14T11:48:00.006+01:00

Os compañeiros/as do Ceip Mestres Goldar fixeron esta magnífica recopilación de recursos relacionados co Dia da Paz.
Esperamos que vos guste!

http://sites.google.com/site/dereitoshumanospaztransversais/Home/paz

Saúdos

CAZA DO TESOURO DO DIA DA PAZ

2010-01-13T11:46:00.006+01:00

Ola, ola! Queredes xogar á Caza Do tesouro.
(Este material tamén elabourose no Ceip Isaac Peral)

http://sites.google.com/site/cazatesouromary/

WEBQUEST DO DIA DA PAZ

2010-01-13T11:43:00.002+01:00

Agradecemos o traballo aos compañeiros/as do CEIP Isaac Peral sobre o Dia da Paz.
Esperamos que sexa do voso interese.
Saúdos.

http://phpwebquest.org/wq25/webquest/soporte_mondrian_w.php?id_actividad=81389&id_pagina=1

lecturas recomendadas- Nadal 09

2010-01-12T10:51:00.003+01:00

Ola, ola! Aqui tedes a listaxe das lecturas que imos traballar nas aulas nos diferentes ciclos.
Saúdos

MERLIN AND KING ARTHUR

2009-11-20T11:23:00.005+01:00

O alumno do terceiro ciclo asistiou ao Auditorio Helios de Bembrive para ver ao obra de teatro "Merlin And King Arthur"
Cun texto totalment en inglés, e cancións en directo, relátanse as aventuras do xove Arthur. Baixo a maestría do Mago Merlín, e sorteando ás trampas que lle pon a meiga Morgana, o xove convírtese finalmente en rei de Inglaterra, ao ser o primeiro en sacar a espada "Excalibur" da rocha onde estaba clada. Unha viaxe chea de maxía e bo humor.

máis fotos do magosto!

2009-11-10T17:10:00.003+01:00

Aquí chegan máis fotos.
Saúdos

http://alfonsorodriguezcastelao.blogspot.com/2009/11/mais-fotos-do-magosto.html

Celebración do Magosto 20009

2009-11-10T10:46:00.001+01:00

Prezadas familias se queredes ver as fotos do magosto as atoparedes no noso Blog "Dinamiza e Normaliza Castelao"

Teatro inglés

2009-11-06T11:46:00.002+01:00

Os alumnos de Educación primaria do primeiro e segundo ciclo pasáronlo moi ben nesta actividade organizada polo Concello de Vigo -Vigo Activities.
Aquí tedes as fotos.
Saúdos

Libros para prelectores

2009-11-05T11:52:00.002+01:00

Prezadas familias:
Aquí tedes unha listaxe de libros recomendado por BLIX (Biblioteca de Literatura infantil e xuvenil) para aos vosos fillos/fillas.

Unha aperta

http://www.filix.org/catalo1.html

2009-10-30T17:14:00.001+01:00

Exposición de cabazas. Samaín 2009

2009-10-30T17:04:00.004+01:00

Ola amigos e amigas!
Deixovos aquís as fotos da nosa exposición de cabazas.
Canta creatividade! Parabéns e bo Samaín!

Por cuatro esquinitas de nada

2009-10-05T12:57:00.003+02:00

Por Cuatro Esquinitas De Nada

View more presentations from pablo.miranda.otero.

A nosa compañeira Belén Junquera nos deleita outra vez con este precioso conto para traballar as pequenas pero importantes diferenzas!!

Conto de Jérôme Ruillier editado por Juventud que trata sobre a inclusión e a integración.
Abur.

Conto "A CASA DA MOSCA CHOSCA"

2009-10-05T12:53:00.003+02:00

É unha adaptación de Eva Mejuto a partires dun conto popular ruso.
Trátase dunha historia moi divertida e orixinal na que a protagonista, a Mosca Chosca, constrúe a súa propia casa. Organiza unha festa para inaugurar o seu novo fogar e por alí van pasando o Escaravello revello, o Morcego Chairego, o Sapo Castrapo, a Moucha Repoucha, a Raposa Chistosa, o Lobicán Pillabán e.....

Saúdos

Benvidos e benvidas a este curso escolar 09-10

2009-09-21T14:53:00.009+02:00

Ola,ola! Xa retomamos o noso blog que o tiñamos un pouco abandonado.
Queremos dar a benvida ao novo alumnado e as súas familias. Moi especialmente aos máis cativos e cativas!
Para eles e elas dedicamos este conto da compañeira Belén Junquera.
Saúdos

O CoelliñO Branco

View more presentations from guest7ccaed6.

Festival de final de curso

2009-06-30T17:53:00.001+02:00

Aquí tedes as fotos do Festival de final de curso
Feliz verán.
Saúdos

FOTOS GRUPOS DE ALUMNOS E ALUMNAS

2009-06-30T17:51:00.002+02:00

Aquí tedes as fotos dalgúns do nosos alumnos e alumnas.
Esperamos que vos gusten
Unha aperta

fotos do dia das letras galegas 2009

2009-05-29T11:12:00.002+02:00

Prezadas familias!
Aqui podedes ver as fotos do Dia das letras galegas deste ano.
Grazas Paco por facilitarnos as fotos.
Saúdos.

RAMÓN PIÑEIRO LÓPEZ

2009-05-13T10:29:00.005+02:00

Polo seu activismo cultural e a súa loita pola cultura e o idioma galego, a Real Academia adícalle o Día das Letras Galegas do ano 2009 a Ramón Piñeiro López, intelectual e político que desenvolveu a súa actividade en Galicia, sendo ademais unha das figuras históricas do galeguismo durante o século XX.
Naceu en Armeá-Láncara (Lugo) o 31 de xullo de 1915 e faleceu en Santiago de Compostela o 27 de agosto de 1990.
Estudou Filosofía e Letras en Santiago e Madrid.
Membro do Partido Galeguista, foi un dos fundadores da Editorial Galaxia, nacida coa misión de darlle á literatura galega un novo pulo, e que estivo dirixida por el así como tamén a revista Grial, En 1967, Ramón Piñeiro saíu elixido membro numerario da Real Academia Galega e defendeu un discurso que levou por título 'A linguaxe e as linguas'. De acordo coa súa defensa da cultura galega participou e foi o primeiro presidente do Consello da Cultura Galega en 1983 e importante promotor da normalización do galego. Formou parte do primeiro Parlamento Autonómico. En 1985 recibiu a Medalla Castelao.
A súa obra non é moi abundante, xirando frecuentemente arredor do pensamento e a filosofía, e destacando principalmente a saudade, sendo un importante autor de ensaios como “Significado metafísico da saudade”, “A saudade de Rosalía”, ou “Filosofía da saudade”. Tamén a súa labor como ensaísta aparece parcialmente en libros como “Olladas no futuro”, “Galicia”, “A Linguaxe e as linguas” ou “Lembrando a Castelao”.
Autor de traballos relacionados coa normalización da lingua galega, tamén foi un dos primeiros en traducir obras de outros idiomas ao galego.

Fina Casalderrey

2009-05-05T21:40:00.003+02:00

FINA CASALDERREY

O martes día 5 de maio tivemos a sorte de contar coa visita de Fina Casalderrey que nos contou cousas moi interesantes.
Os libros escollidos en E.P. na campaña de animación á lectura foron: “¿Quen me quere adoptar?” (1º), “Derradeira carta ós Reis Magos” (2º), "Chamizo" (3º), "A lagoa das nenas mudas” (4º), “Dúas bágoas por Máquina" (5º) e “Ás de mosca para Anxo” (6º).

BIOGRAFÍA

Fina Casalderrey Fraga naceu en Xeve (Pontevedra) en 1951, e reside actualmente en Lérez. Cando seu pai e súa nai deixáronlle decidir sobre o seu futuro e escoller entre coser e facer maxisterio, ela decantouse polo último. Nunhas notas autobiográficas di que chorou cando chegou á súa primeira escola aos 19 anos, e chorou aínda máis cando tivo que despedirse dela.
Traballa actualmente como profesora nun I,E,S.
Leva acadado varios premios e distincións honoríficas pola súa obra literaria, gastronómica e periodística, e traducida a todas as linguas de España e tamén ao portugués
Gústalle a investigación etnográfica e colabora en prensa e revistas especializadas e en diversos eventos literarios, sendo unha das súas afeccións o teatro.
En 1991 acadou o premio Merlín de Literatura Infantil polo libro “Dúas bágoas por Máquina” que é o libro lido en 5º.
No ano 1996 foille concedido o Premio Nacional de Literatura Infantil e Xuvenil coa novela O misterio dos fillos de Lúa.

O CAPTADOR DE CONTOS "ANXO MOURE"

2009-04-15T09:42:00.003+02:00

Ola, ola! Temos noticias que darvos!
Este venres 17 de abril temos a ledicia de dar a benvida a Anxo Moure.
Chegará ao noso colexio coa sú bicicleta solidaria. Se queredes saber máis sobre el consultar os seguintes links.
Abur!
http://www.contosolidarios.org/contosolidarios.htm

O TREN DA LINGUA

2009-03-26T12:03:00.001+01:00

Ola, ola! Aquí tedes as fotos do tren da lingua dos nenos e nenas do primeiro de Educación Primaria.
Saúdos.

CONTARTE- "SOÑOS DE TETEIRA"

2009-03-25T13:24:00.005+01:00

Onte Martes tivemos a segunda sesión do obradoiro "Soños de Teteira" a cargo da editorial OQO. Esta vez participaron o alumnado de terceiro de primaria e algúns alumnos e alumnas de primeiro.

Pasámolo moi ben!

Aquí podedes ver as nosas fotos!

2009-03-25T13:24:00.001+01:00

O INCRIBLE NENO DEVORADOR DE LIBROS

2009-03-23T21:47:00.002+01:00

Ola, Ola! Hai uns dias que informabamos dun fantástico libro que estaba a punto de chegar ao marabilloso mundo da literatura infantil.
Aquí o tedes....!

A Editora Patas de Peixe aposta forte por un libro que sera o deleite dos máis cativos e cativas e tamén dos maiores!!!
Podedes adquirilo en:
http://patasdepeixe.wordpress.com
libraría Andel de Vigo
Libraría Librouro de Vigo
Saúdos mariñeiros e mariñeiras.

Os bolechas e Pepe Carreiro

2009-03-16T13:44:00.004+01:00

A visita de Pepe Carreiro foi acompañada coas explicacións de como naceron os prezados bolechas.
Agradecémonos que nos obsequiera cos debuxos de Braulio, Loli, Tatá, Chispas...

Visita de Pepe Carreiro ao noso colexio

2009-03-16T13:39:00.004+01:00

O Xoves 12 de marzo tivemos a gran ledicia de contar coa visita de Pepe Carreiro ao noso colexio.Tanto grandes e pequenos deleitámonos coas súas explicacións e os seus debuxos.Mirade os máis cativos e cativas que contentos e contentas estaban...

PEPE CARREIRO

2009-03-13T10:39:00.004+01:00

PEPE CARREIRO

Este debuxante e humorista gráfico naceu en Vigo en 1954. Uns dos primeiros debuxos de Pepe Carreiro foron carros tirados por cabalos. Os seus pais rexentaban un bar e no Vigo de finais da década dos 50 aínda era habitual que o reparto das bebidas se fixese neste tipo de vehículos. No colexio realizaba caricaturas dos compañeiros e dos profesores e rápido colleron sona as súas dotes como debuxante. Comezou en 1977 coa banda “O fillo de Breogán”. Foi un dos fundadores de “Can sen Dono”. Ten colaborado en “El Pueblo Gallego”, “Faro de Vigo”, “La voz de Galicia”, e “A Nosa Terra” entre outros, así como na primeira etapa da revista “Golfiño”.
Como ilustrador ten acadado moita fama entre todos os nenos e nenas de Galicia grazas as aventuras de Tatá, Carlos, Braulio, Pili, Loli, Sonia e o canciño Chispa que forman a gran familia dos Bolechas, serie iniciada no 2000, da man da editorial A Nosa Terra, na que os fillos dunha familia numerosa fan da vida cotiá unha aventura constante.
No seu currículo figura tamén a creación da Historia de Galiza para rapaces e da Historia universal tamén para o público infantil.
No 2003 recibiu o Premio Ourense de Banda Deseñada.
Coa editorial Toxosoutos ten en marcha a serie Os Barbanzóns, unha familia castrexa que habita no Castro de Baroña.

RETRATARTE. PLÁSTICA CREATIVA

2009-03-11T17:18:00.010+01:00

O alumnado de 4º e 5º de Primaria participaron no obradoiro RETRATARTE.PLÁSTICA CREATIVA.

Arte e literatura danse a man no Gran libro dos retratos de animais.Libro infantil Mellor Editado 2007 polo Ministerio de Cultura e Mención de Honra no Bologna Ragazzi Award 2008.

Partindo de famosos retratos de artistas como Leonardo, Durero, Vermeer..., Svjetlan Junakovic propón un exercicio de enseño e imaxinación recreando unha particular galería onde os protagonistas son animais.
Neste obradoiro achegarémonos á arte, mergullándonos na memoria dos artistas e dos protagonistas das pinturas facendo un percorrido pola historia do retrato.
Remataremos meténdonos na pel dun artista e facendo a nosa propia galería de arte.

Queredes ver o ilusionados que estaban os nosos alumnos e alumnas neste obradoiro

CONTARTE- SOÑOS DE TETEIRA. XOGANDO CO SURREALISMO

2009-03-11T17:07:00.007+01:00

Hoxe fixemos o primeiro obradoiro de Soños de Teteira. Xogando co surrealismo.

Participaron o alumnado de 1º e 2º de Primaria. Xogamos coa transformación de obxectos cotiás (espertador, zapatillas, tixola...) Permite unha visión diferente dos elementos do libro O día en que a mamá se lle puxo cara de teteira...

CONTARTE. EXPOSICION

2009-03-11T16:34:00.006+01:00

Esta semana fixemos unha exposición de contos da editorial OQO relacionada co mundo do arte.
Foi moi interesante e os contos eran lindísimos!

O TREN DA LINGUA

2009-03-11T16:12:00.007+01:00

Ola, ola! O martes 3 de marzo @s alumn@s de educación infantil de 5 anos e de primeiro de Educación Primaria viaxaron no tren da lingua de Vigo a Pontevedra. Para alguns cativos e cativas era a primerira vez que subían nun tren.
Pasámolos moit ben!

EDITORA PATAS DE PEIXE

2009-03-03T22:01:00.007+01:00

Ola, Ola! A Maga Tomasa ten noticias frescas.
A Editora Patas de Peixe http://patasdepeixe.wordpress.com hai pouco que está no mercado. Busca mariñeiros que lles goste devorar libros. Moi pronto estará na nosa mesa para saborear unha gran obra de Oliver Jeffers

"O incrible neno devorador de libros"

A Maga Tomasa xa tivo o pracer de ser a primeira en ter un exemplar!!!
Non vos preocupedes... Terémosvos informad@s de cando estará no mercado!!!!
É unha pasadaaaaaaaaaaaa!

Abur.

Saber máis sobre o Entroido!

2009-02-18T17:09:00.006+01:00

"Días nos que está permitido o que non o está no resto do ano...

en que se poden facer cousas que noutro tempo parecerían moi mal,
serían faltas graves contra da boa crianza e aínda contra as mesmas leis…
O entroido presenta certo aspecto de "o mundo ao revés"
Vicente Risco

Se queres saber máis cousas do Entroido en Galicia e fora de Galicia preme aquí

http://centros.edu.xunta.es/contidos/portal/entroido/entroido.htm

Preparando o Entroido!!!!

2009-02-16T21:31:00.003+01:00

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e pagáns, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. O Entroido é celebrado en toda Europa dende épocas descoñecidas. Non se sabe con certeza a súa orixe, algúns pensan que vén da tradición celta, outros afirman que os comezos desta festa, pódense atopar na adoración a Baco ou Dionisos.

Coa chegada do cristianismo, moitas das festas pagás, que eran antigamente celebradas foron tomadas e cristianizadas. Deste xeito, esta celebración que tiña posiblemente o seu significado na despedida dos longos e duros días do inverno, mesturouse coa despedida da carne antes do período de abstinencia da Coresma que comeza no día mércores de Cinza (é dicir "corenta días antes do domingo de Ramos).

É, sen dúbida, a festa máis irreverente do calendario galego. Foi por iso que se prohibiu durante outras épocas, malia que se mantivo vivo nas aldeas.

Aínda que o entroido é celebrado ao longo de toda Galicia, nas nosas aldeas, pobos, vilas e cidades; os entroidos máis famosos da nosa Comunidade son, sen dúbida, os ourensáns. Laza, Verín e Xinzo convértense por uns días nas capitais de Galicia. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban aos morosos que non pagasen a tempo. Sen embargo, tanto Vicente Risco

coma Bouza Brey viron neles unha orixe moito máis antiga. Risco cría que proviña das asociacións secretas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.

Outros protagonistas do Entroido son os "xenerais" en Boqueixón, Vedra, A Estrada, Vila de Cruces e Silleda; as Pantallas que dende o pasado domingo Corredoiro ata o día 1 de marzo percorren Xinzo de Limia, os “boteiros” e "foliós" en Viana do Bolo, as máscaras traballadas dos Volantes en Chantada , ademais dos xa coñecidos Cigarróns de Laza e Verín son algúns dos sinais desta festa que se pechará un mércores de cinza coa queima do Meco, o enterro da sardiña ou o enterro do Ravachol en Pontevedra.

Tempo para a diversión e para o bo xantar... porque outra compoñente -importantísima do Entroido galego- é a gastronomía: o lacón con grelos como prato forte, acompañado de doces como as orellas ou as filloas, son algunhas das comidas típicas destas festas.

BO ENTROIDO A TODOS E A TODAS!

Preparando o Entroido!!!!

2009-02-16T21:22:00.002+01:00

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e pagáns, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. O Entroido é celebrado en toda Europa dende épocas descoñecidas. Non se sabe con certeza a súa orixe, algúns pensan que vén da tradición celta, outros afirman que os comezos desta festa, pódense atopar na adoración a Baco ou Dionisos.

Coa chegada do cristianismo, moitas das festas pagás, que eran antigamente celebradas foron tomadas e cristianizadas. Deste xeito, esta celebración que tiña posiblemente o seu significado na despedida dos longos e duros días do inverno, mesturouse coa despedida da carne antes do período de abstinencia da Coresma que comeza no día mércores de Cinza (é dicir "corenta días antes do domingo de Ramos).

É, sen dúbida, a festa máis irreverente do calendario galego. Foi por iso que se prohibiu durante outras épocas, malia que se mantivo vivo nas aldeas.

Aínda que o entroido é celebrado ao longo de toda Galicia, nas nosas aldeas, pobos, vilas e cidades; os entroidos máis famosos da nosa Comunidade son, sen dúbida, os ourensáns. Laza, Verín e Xinzo convértense por uns días nas capitais de Galicia. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban aos morosos que non pagasen a tempo. Sen embargo, tanto Vicente Risco coma Bouza Brey viron neles unha orixe moito máis antiga. Risco cría que proviña das asociacións secretas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.
Outros protagonistas do Entroido son os "xenerais" en Boqueixón, Vedra, A Estrada, Vila de Cruces e Silleda; as Pantallas que dende o pasado domingo Corredoiro ata o día 1 de marzo percorren Xinzo de Limia, os “boteiros” e "foliós" en Viana do Bolo, as máscaras traballadas dos Volantes en Chantada , ademais dos xa coñecidos Cigarróns de Laza e Verín son algúns dos sinais desta festa que se pechará un mércores de cinza coa queima do Meco, o enterro da sardiña ou o enterro do Ravachol en Pontevedra.
Tempo para a diversión e para o bo xantar... porque outra compoñente -importantísima do Entroido galego- é a gastronomía: o lacón con grelos como prato forte, acompañado de doces como as orellas ou as filloas, son algunhas das comidas típicas destas festas.

BO ENTROIDO A TODOS E TODAS!

Carta do Xefe Indio Seattle

2009-02-09T16:06:00.009+01:00

Os alumnos e alumnas de 4º e 6º de Educación Primaria traballaron o Día da Paz a Carta que o Xefe Indio Seattle enviou en 1854 ao gran Xefe branco de Washington, en resposta á oferta de este de mercarlle unha gran extensión de terras...

http://www.guelaya.org/textos/jefe%20indio.htm

O dia da Paz

2009-02-09T15:20:00.002+01:00

O Venres 30 de Xaneiro celebramos o Día da Paz.
O libro que traballamos durante toda a semana en Infantil foi "El día de la Paz" de Todd Parr.
Gustounos moito!

Biblioteca da Maga Tomasa

2009-02-09T14:25:00.003+01:00

...As nosas mochilas seguen viaxando e percorrendo o mundo...!

2009-02-09T10:46:00.004+01:00

SÍLVIA -ÓSCAR-

FAMILIAS E ALUMNADO DO PRIMEIRO CICLO DE EDUCACIÓN PRIMARIA

TATIANA -SARA-

QUE PENSAN AS FAMILIAS E OS ALUMNOS/AS DAS MOCHILAS VIAXEIRAS?

2009-02-02T21:22:00.007+01:00

As opinións dos máis pequerrechos e
pequerrechas...

AS MOCHILAS VIAXEIRAS

2009-02-02T20:26:00.000+01:00

Co gallo do Día das Bibliotecas naceu a iniciativa das "Mochilas Viaxeiras".
Que gran idea! A mochila viaxeira permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novas.

Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura.

- A Maga Tomasa-

DIA DAS BIBLIOTECAS

2009-01-21T21:23:00.000+01:00

O 24 de Outubro celebramos o dia das Bibliotecas. Que contenta estaba! Os cativos e cativas do colexio fixeron un mural moi grande: Un tren cheo de libros!!!
Os nenos e nenas fixéronme unha visita á Biblioteca e xogaron cos libros dos andeis. As profesoras explicáronlles contos de piratas, animais e tamén de meigas...!
Deca logo.

-A Maga Tomasa-

MÁIS NOTICIAS DA MAGA TOMASA...!

2009-01-21T20:51:00.000+01:00

Ola, ola! Son a Maga Tomasa, a mascota da Biblioteca do CEIP Alfonso D. Rodríguez Castelao de Vigo. Retomamos o noso blog que por motivos técnicos estivo parado no primeiro trimestre deste curso escolar mais volvemos con moito agarimo e ledicia.
Neste tempo celebramos O Día da Biblioteca e ese día preparei un agasallo para tod@s, tamén para o profesorado: unha mochila viaxeira cunha manchea de contos.
A verdade que estou encantada cada mércores cando os nenos e as nenas e tamén os profesores que levan a mochila para casa van dando saltos de ledicia e cun sonriso de orella a orella...
Tamén celebramos o Día da no-violencia. Nas clases dos máis pequerrechos explicaron o conto "La Familia dos Porcos" e despois me fixeron un debuxo moi lindo.
Aquí os deixo unhas fotos! Ata a vindeira mensaxe! Abur!!!!

- A Maga Tomasa-

Conto viaxeiro da Maga Tomasa 3ª parte

2008-05-28T20:23:00.001+02:00

Moi obediente, foi ao Sur pero como había moito vento desviouse ao leste, atopouse en Ourense. Alí había unha fonte milagreira que o curaba todo. Ela puxo as mans por baixo do picho da auga, estaba moi quente, pero as súas mans transformábanse. Así que, acabou como era antes. pero ¡¡oh, non!! só as mans eran de bruxa, o resto do corpo era de monstruo. Non lle quedaba moito tempo, colleu de novo a súa basoira e decidiu rematar a súa búsqueda. Cando a xente do lugar lle dixo onde estaba a pócima levou medo porque se atopaba dentro dunha cova. Pero ela, chea de valor, entrou. Colleuna e empezou a beber. E de súpeto...

....As uñas empezaron a crecerlle e puxéronselle moi longas, e moitos pelos saíronlle polo corpo, e os dentes alargáronselle e retorcéronselle ata as orellas.
-¿Qué me está a pasar?- dixo Bruxita- Isto non é o que me dixo a miña irmá. Algo debín facer mal.
Entón mirou o frasco da pócima, que tiña unha etiqueta pegada e que dicía.......

"Pocimamala". Estaba moi asustada ao verse tan fea. Empezou a correr ata que non puido máis, e quedouse dormida. Pola mañá a brujita pensou que debía volver a cova e buscar a botella da "Pócima boa", aínda que non lle facía gracia volver, debía facelo. Comezou a andar e cando chegou á cova, buscou a botella, condo por fin a atopou, colleuna e leu a etiqueta, esta vez non se podía enganar, "Pócima boa", comezou a bebela, esperou un rato e... (Marta)
De súpeto empezáronlle a saír coma unha especie de gas pola boca, ourellas, nariz e tivo a impresión que se despegaba do chan, como así era. Inmediatamente o seu corpo ascendeu a unha velocidade, cal se fora un cohete, ata chegar ás estrelas. Bruxita non daba crédito do que lle acontecera.

- ¡Oh! ¡Que fermosura! ¡Que ven se mira todo dende aquí arriba! (Roi)

Pouco a pouco descendía sentíndose libre coma un paxaro, atravesaba as nubes que parecían estar feitas de algodón. E ata un arco iris, onde posou a disfrutar das cores que reflexaba. Dende alí observou unha pequena e fermosa cidade, e decidiu ir ata ela.
- ¡Que lugar tan fermoso!- dixo Bruxita - agora teño que buscar un espello onde poida mirarme...

Conto viaxeiro da Maga Tomasa 2ª parte

2008-05-28T20:01:00.000+02:00

Entón "Brujita" dixo:
- Vou facer un disfraz de monstruo.
E pronunciou as palabras máxicas
-"Abra-cadabra, pata de cabra, que apareza un disfraz de monstruo"
E por arte de maxia encontrouse metida nel. Rápidamente foi a mirarse no espello, non se recoñecía. ¡Xa non era Brujita, era un gran monstruo cheo de pelos de colores, sen dentes e con mocos colgándolle da nariz!! ¡¡Xa podo ir á festa!! (exclamou) e adentrouse no bosque.

- ¡Qué ben que con este feitizo convertinme nun ..... monstruo!
¡Pero debo ter coidad de non mirarme nun.....espello! (Ramón)

- De pronto, un relámpago iluminou o bosque e nunha gran charca de auga puiden ver o meu reflexo. ¡Levaba un disfraz de monstruo e reflexábame como unha fermosa moza e pensei:

¡¡¡¡É a maxia da Maga Tomasa!!!!!

Pero ao día seguinte espertou e volveuse a ver na charca e seguía sendo un monstruo, o feitizo da Maga Tomasa desaparecera.

Brujita se divertira moito na festa, pero agora quería volver para ser unha meiga, e non un monstro.

-Éste é un castigo por mentirlle aos monstros do bosque- pensou.

Entón deciciu montar na súa basoira e viaxar a Vigo para ver á súa irmá, A Maga Tomasa, e pedirlle axuda.

No traxecto viu moitas gaivotas, coches, semáforos e xente, e finalmente chegou á casa da Maga Tomasa.

Na casa da Maga Tomasa encontrou a un monstruo que lle dixo:

- A maga Tomasa non se encontra neste momento".

Brujita púxose triste, pero non se rendeu e seguiuna buscando. Buscándoa por Samil, atopouse co mago Merlín, un feiticeiro de malas pulgas, que lle dixo onde estaba a Maga Tomasa.

- "A túa irmá Tomasa está a pasar uns días de lecer nas illas Cíes coa "Asociación de Magos e Bruxas das Rías Baixas"

- E non foron quen de me convidar ¡Isto non o vou a perdoar! - dixo Merlín moi enfadado.

Entón, Brujita, que aínda tiña o aspecto de monstruo pensou.....
- Teño que ir ás Illas Cíes, xunto da miña irmá ¿E cómo podo ir?. Xa sei, irei, irei, na miña basoira.

E brujita foi dereitiña ás Illas Cíes. Tivo sorte, ese día facía bo tempo. Cando chegou ás Illas Cíes, comenzou a buscar á súa irmá e de súpeto....

Encontrou á súa irmá debaixo dunha gran carpa cos magos do país. Estaban falando dos conxuros novos que o Concello de Vigo había proposto. Entón Bruxita acercouse e chamou Tomasa. Tomasa foi a vela e díxolle que tiña que ir ao sur do país para coller unha poción que a transformara outra vez en bruxa.

2008-05-28T19:42:00.000+02:00

Por fin, os contos viaxeiros da Maga Tomasa que tanto esperabamos.

María José, es unha artista, qué bonito.

Xa lle enviamos unha copia a Tomasa.

Os contos orixinais quedarán na biblioteca.

A Maga Tomasa

3 anos

"Este é un conto viaxeiro.

Viaxará do cole á casa e da casa ao cole para crear nel, entre todos, palabras e debuxos máxicos que a todos nos gustarán"

Unha vez a Maga Tomasa veu ao cole de San Pelaio de Navia, montada nunha nube con globos a contarlles unha historia aos nenos e nenas deste cole.

Os nenos e nenas da miña clase amosámoslle o noso xardín que está cheo de flores e prantas moi fermosas. (Lucía A)

Tamén temos un patio con moitas flores de colores, os nenos xogamos cerca delas, tamén detrás do colexio temos unha horta onde plantamos moitas cousas... (Enrique)

A historia que nos contou a Maga Tomasa Trataba da súa irmá, que se chamaba Brujita, á que lle gostaba moito as festas monstrosas, ás cales non podían ir as bruxas coma ela, só monstros.

Aquilo a ela non lle parecía ben así que decidiu facer maxia para poder colarse na festa, que aquel día daban os monstros do bosque.

Qué cambio

2008-05-28T19:00:00.000+02:00

¡¡¡¡¡Arrea, menudo cambio!!!

A Maga Tomasa axudou aos profes a facer que a antiga biblioteca, gris e fría, se convirta nunha fantástica cidade máxica da lectura, alegre e quentiña.

Coa nova biblioteca viñeron os carnets que en breve serán de moita utilidade nos préstamos e devolucións de libros.

Animamos aos pais a que a visiten a tarde do Martes 17 de Xuño.

¿Lembrádevos da antiga biblioteca?

2008-05-17T20:17:00.000+02:00

Ésta sí que é lugar para unha festa monstruosa.....

Don Quixote

2008-04-24T19:02:00.000+02:00

INAUGURACIÓN DA NOVA BIBLIOTECA

2008-04-24T18:32:00.000+02:00

Despois dun longo e intenso proceso de restauración, por fin acadamos o obxectivo que nos propuxeramos:

"VISITA DA MAGA TOMASA E A SÚA AXUDANTE, A FADA ELINA"

Antes da mesma, apareceu a Maga Tomasa montada nunha nube, que actuou como madriña do evento cambiando moi acertadamente cores, espazos... Convertiuse na cidade da lectura onde había uns pequen@s novos inquilinos (os seus axudantes-colaboradores) que a axudaron en todo o proceso.

A Maga Tomasa fixo unha sesión de contacontos axudada pola fada Elina. Abrindo o grande libro do espello máxico contounos a historia dunha FESTA MONSTROSA, resultou unha experiencia moi entretida e gustou moito a todos e bla bla bla....