DENDE O RECUNCHO QUENTE

O Magosto inspira a escrita. 

O mes de novembro ven cheo de lembranzas, calor, palabras agarimosas, tradición oral...

As celebracións deste mes teñen inspirado á profe Rosa, que é poetisa, con estes fermosos versos que comparte connosco. 

Chegaba cansada

ansiosa por verte

metía os meus pés

no teu recuncho quente.

O amor chispeaba

de arrecendo embargaba

e a choiva de outono

atrás se quedaba.

En tempos da escola

de dona María

na casa agardaba

a miña nai Palmira.

As castañas ceibadas

na cociña de ferro

e eu embriagada

polo seu arrecendo.

Corenta anos ben longos

e volvo da escola

agora sen don

abonda con Rosa.

Cansada tamén

ansiosa por verte

estes versos escribo

dende o recuncho quente.

Cociña de leña

que a súa man acende

e faime sentir

todo o que me quere.

Quen máis se anima a escribir?