É SAMAÍN!

 Gozamos e aprendemos.

Despois dun ano de pandemia, este curso, timidamente, puidemos celebrar a nosa primeira festa escolar: o Samaín. Unha festa na que, dun ou doutro xeito, participou toda a Comunidade Educativa.

Un par de días antes da celebración, os papás e mamás da ANPA decoraron o patio e os corredores da escola. 

Convocadas polo Equipo de Dinamización e Normalización Lingüística, as familias transformaron as cabazas, eses marabillosos froitos da horta que colleitamos nesta época, convertíndoas en auténticas obras de arte, cheas de delicadeza e imaxinación. 

Non faltaron nin os disfraces nin as merendas terroríficas, mentres agardábamos as castañas que, con moito agarimo, preparaban algúns papás e mamás voluntarios. 

Pero non vaiades crer que todo foi festa. Tamén aproveitamos para aprender moitas cousas: vocabulario, cancións, murais, informática...

Aquí tedes o mural elaborado polo alumnado de 4 anos que decorou o vestíbulo da escola: 

E aquí, os carteis dixitais do alumnado de 6º de Primaria, coordinado polas mestras da Sección Bilingüe de Plástica e de TICs. 

Os máis cativos aprendemos a canción da Castaña Toniña:

E os de 4º de Primaria aproveitaron as cabazas para aprender a fotografar empregando distintos planos. 

Canto pode dar de si unha festa! 

Premendo na seguinte foto poderedes acceder a outras imaxes da xornada. 

Por certo! Alguén perdeu un simio?