FASCINADOS POLO LETTERING

 

Haberá que organizar un obradoiro!

A última Hora de Ler do trimestre constituíu todo un descubrimento en 5º de Primaria. A casualidade levounos a "destapar" que neste grupo hai moitísimo interese polo Lettering, e que mesmo temos un par de artistas. 

Así que proxectamos un par de vídeos de Youtube. 

Semellaba non haber rapaces, do silencio tan profundo que había. 

Algúns xa tiñan o seu propio material, e aproveitaron o tempo seguindo os consellos que se daban nos videos. 

Algúns resultados foron excelentes. 

Así que pedimos a Papá Noël uns cantos materiais para progresar e aprender máis. 

Estamos desexando ver os preciosos carteis que crearemos!