MERENDA NA COCIÑA DA TOMASA
Co alumnado de 1º B.
Esta mañá remataron, por este curso, os obradoiros na Cociña da Tomasa. Os encargados de preparar o menú foron os nenos e nenas do último grupo de alumnado de 1º B.
Desta vez, e como nesta aula son uns super-investigadores usuarios dos materiais da biblioteca, decidimos facer unha merenda compartida. Así que preparamos sandwiches de xamón e peituga de pavo, biscoito de iogur e chocolate quente para todos.
Aquí tedes un vídeo no que nos explican os ingredientes que empregamos.
SÁNDWICHES DE QUEIXO E PEITUGA DE PAVO
- Collemos unha rebanda de pan de molde.
- Pomos enriba unha loncha de queixo e outra de pavo.
- Tapamos cunha nova rebanda de pan de molde.
- Cun coitelo, cortamos o sándwich en catro partes.
- Botamos o iogur nun bol.
- Coa medida do vaso de iogur, engadimos o aceite de xirasol.
- Facemos o mesmo co azucre.
- Engadimos os ovos e a raiadura de limón.
- Mesturamos co batedor.
- Noutro bol botamos a fariña e mesturamos co lévedo.
- Na mestura anterior imos engadindo a fariña pouco a pouco, mentres seguimos a bater.
- Cando todo estea batido, botamos a masa nun molde e forneamos uns 40 minutos a 180º.
CHOCOLATE Á TAZA
- Botamos nunha ola 2 litros de auga.
- Pómola a quecer no fornillo.
- Partimos a tableta en onzas.
- Cando a auga comece a estar quente botamos as onzas con coidado, para non nos queimar.
- Removemos para que non se pegue.
Premendo na seguinte imaxe poderedes ver moitos momentos divertidos desta xornada. Deunos tempo de visitar o horto mentres o biscoito estaba no forno, e de preparar a mesa para os nosos compañeiros e compañeiras.
Que ben o pasamos, e canto aprendemos.
Que fin de festa tan fantástico para este curso!
Comentarios