MOCHILAS VIAXEIRAS

O mes de outubro é especial para todas as bibliotecas escolares, xa que celebramos o 24 de outubro é o Día das Bibliotecas Escolares. Esta xornada non só serve para poñer en valor o importante papel das bibliotecas nos centros educativos, senón tamén para agradecer o labor daqueles que colaboran a diario para que estes espazos sexan accesibles, organizados e estimulantes para toda a comunidade educativa. Reservamos este día para que os nosos axudantes de biblioteca presenten as Mochilas Viaxeiras, con contidos adecuados a cada idade (álbumes ilustrados, teatro, libros informativos, xogos de mesa...) pensados para que desfrutedes en familia. 

Neste contexto, queremos recoñecer tamén o gran traballo dos axudantes de biblioteca, concretamente o alumnado  de 5º e 6º  que estiveron ensaiando durante semanas para presentar as mochilas nas aulas de Infantil e Primaria do noso centro.  

 

Foi un proceso que viviron con moita ilusión e entusiasmo. Estaban desexando que chegara o momento!

Moitos foron ás aulas dos irmáns máis pequenos, sendo a experiencia máis motivadora. 

Aquí deixamos unha pequena mostra da presentación das mochilas nas aulas. 

E os contidos das mesmas para o alumando de Infantil e Primaria. Esperamos que gocedes das lecturas!

Boa viaxe.

Grazas polo voso traballo axudantes de biblioteca!