DÍA DE ROSALÍA

Cada 24 de febreiro celebramos o Día de Rosalía de Castro, unha data moi especial para lembrar e homenaxear a unha das figuras máis importantes da literatura galega. A súa obra, especialmente Cantares gallegos, marcou un antes e un despois na historia da nosa lingua e converteuse nun símbolo da cultura de Galicia.

Para conmemorar este día no centro, o alumnado participou nunha actividade moi especial: a gravación de poemas en galego. Cada grupo escolleu e  preparou un poema para recitalo, poñendo voz aos versos de Rosalía e achegándose á súa obra dunha maneira creativa e significativa.

A través destas gravacións, os rapaces e rapazas tiveron a oportunidade de descubrir a musicalidade do galego, traballar a expresión oral e conectar coa literatura dun xeito diferente. 

Os poemas falan da terra, da saudade, da natureza e da vida do pobo galego, temas que están moi presentes na obra de Rosalía e que seguen emocionando hoxe en día.