DIALOGANDO CON MARÍA CANOSA

E os nenos e nenas de 3º curso de Primaria.

Este curso, os rapaces e rapazas de 3º curso estiveron a ler A cazadora de estrelas. Por tal motivo, María Canosa achegouse ata a biblioteca do cole para compartir con eles unha hora chea de diversión e interacción.

Despois de salientar a maxia da lectura e a importancia do lector nesa maxia, comezamos a dialogar sobre os distintos personaxes: como imaxinabamos a Tegumi, a estreita relación con Turrón, a maldade de Zeus...

E cando xa María ía despedirse de nós... sorpresa! Sacamos un arco e unhas frechas e pedímoslle que as tirara sobre un mural creado por nós para descubrir o que aprenderamos co seu libro. Quedou fascinada do moito que aprendimos!

Finalmente, despedímonos dela coa firma de libros, e a suxestión de que escribise unha nova novela que tivera por protagonistas ós nenos da clase.

Pero aínda quedaba outra sorpresa: mostrarlle as fichas de traballo que fixemos sobre o libro e os cómics que temos inventado!

María deixou no Libro de sinaturas da biblioteca esta fermosa dedicatoria.

Para ver máis imaxes podedes premer neste enlace.

Grazas, María, for facernos soñar!

E grazas, profe Iago, e nenos de 3º, polo voso entusiasmo e interese na lectura!