POLO DÍA INTERNACIONAL DA RADIO...

 

... estreamos a nosa programación de Radio Castelao!

Os rapaces de 4º de Primaria levan semanas emocionados preparando o seu primeiro programa de radio. Unha verdadeira tarefa que pasou por varias fases: 

• análise das novas da prensa: titulares, corpo, estilo...
• invención de novas de creación propia;
• escoita e análise dun programa de radio; 
• creación da escaleta do programa; 
• escritura do guión no ordenador; 
• elección dunha sintonía;
• gravación do programa do equipo;
• elección dun título para o programa; 
• gravación da cabeceira

Pois despois de todo isto, presentámosvos a primeira publicación do noso programa O imaxinaTIVO de 4º. Por se non vos destes conta, o nome ten moita miga: xa que se trata de un informativo imaxinativo, con novas ficticias, os rapaces elixiron ese nome que combiña as palabras imaxinación e informativo. 

Deixámosvos co primeiro programa, que correu a cargo do Equipo dos Linces. Esperamos que gocedes coma eles!