OBRADOIRO DE e-TEXTIS

En 3º de Primaria.

O pasado luns día 7 de marzo a rapazada de 3º de Primaria participou nun obradoiro de e-textis con Paola Guimeráns

Xa dende o primeiro intre, os cativos e cativas estiveron enganchados, con comentarios como: Isto é un microchip, que mo aprendeu o meu pai; Eu quero unha camiseta coma esa; Nós imos a clase de Robótica...

O caso é que, despois das explicacións de Paola, comezamos a crear o noso propio brazalete. Para iso empregamos un anaco de feltro, agulla, fío condutor, un led, un microchip, unha pila de botón, un limpapipas, un portapilas, tesoiras e rotuladores. 

Como en todo obradoiro de costura que se prece, xurdiron conversas espontáneas sobre as preocupacións dos cativos, e, neste caso, a guerra en Ucrania estivo moi presente. 

Algúns tivemos serias dificultades co tema do cosido (nunca antes o fixeramos). Sen embargo, seguimos a intentalo ata que, finalmente, conseguimos rematar a tarefa. 

Coa decoración que fixemos, cadaquén personalizou o seu brazalete. 

Logo, collimos papel e pinturas e deseñamos novos produtos textis. Como podedes ver no seguinte vídeo, algúns resultaron moi útiles e creativos. Tamén apreciaredes que, ó rematar, avaliamos todo o que aprendemos. 


En resumo: 

  • iniciámonos na costura (xa ninguén terá que cosernos os botóns);
  • fixemos un circuito eléctrico, e aprendemos como temos que conectar os polos positivos e negativos;
  • desenvolvemos a creatividade;
  • expuxemos oralmente as nosas creacións, e escoitamos respectuosamente ós demais;
  • recoñecemos todo o que aprendemos. 
Se premedes na seguinte imaxe, accederedes ó álbum de fotos da sesión. 


Unha vez máis, grazas, Paola!

Comentarios