CLUBE DE LECTURA . FEBREIRO

O luns 9 de febreiro celebramos a terceira xuntanza do noso Clube de Lectura.

Nesta ocasión, os nenos e nenas leron Harry Potter e a pedra filosofal, da autora J. K. Rowling.

A lectura gustoulles moitísimo, xa que a historia está chea de maxia, encantamentos e feitizos que os transportaron ao fascinante mundo de Hogwarts. Tanto foi así que algunhas nenas continuaron lendo, pola súa conta, os seguintes libros da colección.

Durante a xuntanza falamos das catro casas que forman o colexio Hogwarts de maxia e feitizaría:

• Gryffindor

• Slytherin

• Ravenclaw

• Hufflepuff

Comentamos as características de cada unha e o alumnado compartiu en cal se sentiría máis identificado.

O encontro rematou cunha actividade creativa na que os nenos e nenas decoraron os escudos das casas, deixando voar a súa imaxinación e demostrando moita creatividade.

Foi unha xuntanza moi animada e amena, chea de participación e entusiasmo lector.

Como agasallo final, levaron un marcapáxinas de Harry Potter para acompañalos nas súas próximas lecturas