DÍA DO LIBRO EN EDUCACIÓN INFANTIL

Palabra clave: compartir.

Este Día do Libro, a pesar de todas as restricións e limitacións, foi moi especial para o alumnado de Educación Infantil. Se poidésemos definir o vivido cunha soa palabra, esta sería compartir. 

Durante toda a semana, a rapazada foi achegando da casa o seu libro favorito. Tras a preceptiva corentena, os cativos desenvolveron a competencia lingüística, explicando oralmente ós seus compañeiros e compañeiras por que lles gustaba tanto ese libro, e mesmo contándollelo. 

Ademais, esmeráronse na confección de marcapáxinas que, logo, intercambiaron entre eles. Non sabedes o felices que estaban co seu agasallo!

Se premedes na seguinte imaxe poderedes acceder ó álbum de fotos deste día.