LER O MUNDO CON GAFAS AZUIS

Unha quincena adicada ó autismo. 

O pasado 2 de abril celebrouse o Día Mundial do Autismo. Nesa data estabamos de vacacións de Semana Santa. Sen embargo, na escola non quixemos pasar por alto esta data tan importante que nos axuda a ser mellores persoas. 

Por este motivo, o Departamento de Orientación preparou unha morea de marabillosos materiais para traballar durante estas dúas primeiras semanas do trimestre, materiais que nos axudarán a ser máis empáticos e a ler o mundo dende unha visión distinta. 

Todos estes materiais recompiláronse nunha presentación de Genial.ly que continuaremos a traballar a vindeira semana. 

Para esta propuxéronsenos as seguintes tarefas:

• Mércores 7 de abril: 
• Lectura da diapositiva 2 (Conéctate ó azul)
• Vídeo: Suceden cosas asombrosas
• Xoves 8 de abril: 
• Vídeo: Bet y el TEA
• Vídeo: El viaje de María
• Venres 9 de abril: 
• Elaboramos as nosas gafas inclusivas

Algúns, coma os de 5 anos A, complementaron a proposta con lecturas inclusivas, como Elmer, que tamén lles permitiron traballar de xeito cooperativo. 

Tanto o alumnado coma o profesorado estivo moi implicado co tema. Despois de realizar as tarefas propostas, todos respiramos cunha sensibilidade distinta, e estamos a desexar que chegue a vindeira semana para saber máis sobre o autismo. 

Mentres tanto, deixámosvos coas imaxes das nosas gafas azuis, que nos permiten ver o mundo cos ollos das persoas TEA.  (Premede na seguinte imaxe para ver máis imaxes da xornada).