COCIÑANDO COA RAPAZADA DE 1º A

Que ben o pasamos!

Este mes, a rapazada de 1º A comezou a pasar pola cociña. O primeiro grupo preparou crema de acelgas e pizza de espinacas. Para iso empregamos produtos da nosa horta. 

Se queredes repetir a nosa aventura, aquí vos deixamos as indicacións e as receitas. 

CREMA DE VERDURAS

1. Pelamos a cebola e cortámola en anacos grandes
2. Lavamos o porro, o pemento, o apio, as verzas e as acelgas. Cortamos en anacos grandes.
3. Pelamos as patacas e a cenoria. Lavamos e cortamos en anacos grandes. 
4. Botamos todos os ingredientes nunha ola. 
5. Engadimos sal e auga. Pomos a cocer. 
6. Cando a pataca e a cenoria estean brandas retiramos. 
7. Mesturamos co batedor. 
8. Engadimos o queixo en porcións. 

PIZZA DE ESPINACAS

1. Medimos a fariña e a auga. Botámolas nun recipiente.
2. Engadimos sal.
3. Mesturámolas ata obter unha masa que non pegue nin estea demasiado dura. 
4. Deixamos repousar a masa media hora. 
5. Separamos as follas das espinacas dos talos. 
6. Lavámolas e pómolas a cocer en auga. 
7. Cando a masa estea levedada estendémola nunha bandexa. 
8. Engadimos salsa de tomate. 
9. Estendemos as lonchas de queixo. 
10. Cando as espinacas estean cocidas, retirámolas da ola e picámolas coas tesoiras nun prato. 
11. Estendémolas sobre o queixo.
12. Engadimos grans de millo doce. 
13. Rematamos engadindo queixo raiado. 
14. Pomos no forno sobre media hora. 

Pero se che gusta máis a pizza básica, podes facela sen engadirlle nin as espinacas nin o millo. 

Premendo na seguinte imaxe accederedes ó álbum de fotos

Canto aprendemos!

Que ben o pasamos...!

E que rico estaba todo!