DA HORTA Á COCIÑA...

 

... coa rapazada de 1º A. 

O segundo grupo de rapaces e rapazas de 1º A estivo esta mañá na cociña preparando dous suculentos pratos: crema de verduras e revolto de espinacas. Aproveitamos os produtos de tempada da nosa horta, e recollemos algúns deles en pleno proceso de cociñado. 

Estes foron os ingredientes que empregamos nesta sesión: 

CREMA DE VERDURAS

1. Lavamos os porros, o pemento, o apio, as verzas e as acelgas. Partímolos en trozos grandes e pómolos nunha ola. 
2. Pelamos a cenoria e as patacas. Lavámolas, troceámolas e introducímolas na ola. 
3. Pelamos a cebola e cortámola en trozos grandes. Pómola na ola. 
4. Engadimos sal e auga. 
5. Pomos a ola ó lume e deixamos cocer. 
6. Cando a pataca estea branda apagamos o lume. 
7. Batemos o caldo. 
8. Mesturamos con dous queixos en porcións.  

REVOLTO DE ESPINACAS

1. Separamos as follas das espinacas do talo. Lavámolas e pómolas a cocer en auga con sal. 
2. Cando as espinacas estean feitas pómolas nun prato e picámolas cunhas tesoiras. 
3. Picamos a cebola e o allo en trociños moi miúdos. 
4. Batemos os ovos cunha pinga de sal. 
5. Nunha tixola pomos un pouco de aceite, a cebola e o allo picados. 
6. Cando estean brandos engadimos as espinacas. Deixámolas facer. 
7. Por último engadimos o ovo batido. Removemos para que non se pegue. 
8. Podemos acompañar o noso revolto con rebandas de pan. 

Todo estaba riquísimo. Se queredes comprobar o noso traballo, non tedes máis que premer nesta imaxe para acceder ó álbum de fotos. 

Animádesvos a probar na casa?