VEN COMER Á COCIÑA DA TOMASA

Todo está riquísmo!

O segundo grupo de alumnos e alumnas de 2º B estivo esta mañá na cociña compartindo un tempo de tranquilidade, aprendizaxe e convivencia. 

Seguindo a nosa máxima, elaboramos pratos empregando produtos de tempada, principalmente procedentes da nosa horta. 

Hoxe cociñamos crema de leituga e fabas con xamón serrano. 

No seguinte vídeo a cativada exponvos os produtos e algunhas das tarefas que desenvolvimos. 

CREMA DE LEITUGA

O proceso que seguimos foi: 

1. Lavamos a leituga, o pemento e os porros.
2. Pelamos a cebola.
3. Cortamos todo en anacos grandes e metémolos na ola.
4. Pelamos a pataca. 
5. Lavámola, troceámola e metémola na ola.
6. Botamos sal e auga.
7. Pomos todo a ferver.
8. Cando a pataca estea branda retiramos todo do lume. 
9. Mesturamos todo co batedor. 
10. Engadimos dúas pezas de queixo en porcións. 

FABAS CON XAMÓN SERRANO

O proceso que seguimos foi: 

1. Picamos moi finos a cebola e o allo.
2. Debullamos as fabas. 
3. Retirámoslles a pel coa unlla ou a punta dun coitelo. 
4. Na tixola, pomos un pouco de aceite e fritimos a cebolla e o allo. 
5. Engadimos o xamón en cadradiños. 
6. Xa hacia o final botamos as fabas cun pouco de auga. 
7. Deixamos facer un anaco (pero pouco, xa que as fabas están moi tenras).

Se premedes na seguinte imaxe poderedes acceder ó álbum de fotos. 

Agora xa podedes replicar os nosos pratos. 

A cativada estaba entusiasmada. Andrés dicía: Podiamos darnos de baixa no comedor e vir comer aquí. 

A cociñar!