AGROMANDO FOLLAS NOVAS
Así celebramos o Día de Rosalía.
O Día de Rosalía converteuse este curso nunha festa da creatividade, da oralidade e da lingua.
O Equipo de Biblioteca mergullouse na obra de Rosalía e seleccionou unha escolma de fragmentos relacionados cos produtos, os traballos ou as árbores da horta.
Desta selección, cada aula elixiu o seu propio poema.
Sobre plantillas de follas de abeleira, cada rapaz escribiu o poema elixido, e decorou ó seu gusto a folla.
Logo, representantes de cada aula gravaron na radio o fragmento, como podedes comprobar neste post.
O resultado desta gravación foi un programa de radio de dez episodios titulado Agromando follas novas.
Finalmente, os brazos nús das nosas árbores foron cubríndose dun tupido follaxe. Mirade como medran!
E con este bosque de versos adornamos o fermoso cartel realizado polo alumnado de 5 anos para conmemorar esta data.
Se premedes na seguinte imaxe poderedes ver un montón de fotos deste bonito día.
Fermoso Día de Rosalía!
Comentarios