QUE RICA A NOSA TORTILLA DE FABAS!

 

Aproveitamos os produtos da nosa horta. 

Esta semana comezou a quenda de obradoiros na aula de 2º B. O equipo que traballou na cociña estivo entusiasmado. 

Comezamos por aprender algo de vocabulario en galego. Aquí tedes á rapazada amosándonolo: 

E logo puxémonos mans á obra para preparar a nosa comida.

1. Lavamos a leituga e os tomates

2. Troceámolos e pómolos nun recipiente

3. Cortamos o queixo en tacos. Botámolo no recipiente

4. Engadimos sal e aceite

5. Mesturamos todo

 

1. Pelamos a cebola. Picámola.
2. Lavamos o porro e o pemento. Picámolos. 
3. Pelamos a cenoria e as patacas. Lavámolas e picámolas en tacos. 
4. Debullamos as fabas. Sacamos a pel das sementes. 
5. Botamos todos os ingredientes nunha tixola grandes, con sal e un pouco de aceite. Deixámolo fritir.
6. Batemos os ovos. 
7. Cando todo estea frito, botamos o contido da tixola no recipiente dos ovos. 
8. Mesturamos. 
9. Botamos todo nunha tixola pequena, cunha pinga de aceite. 
10. Deixamos facer e damos a volta a tortilla. 

Premendo na seguinte imaxe accederedes ó álbum de fotos da sesión: 

Neste obradoiro falamos galego. E... que gratificante cando Naira nos di: "eu fíxenme o propósito de falar galego. O outro día na tele dixeron que os cativos non o falabamos". 

Pois só por iso... o obradoiro prestou!