NA SEMANA DAS BIBLIOTECAS ESCOLARES...

... coñecemos o título do noso PDI.

A totalidade do alumnado de Educación Primaria participou na actividade organizada para coñecer o título do noso PDI deste curso: Emocióna-T. 

Tratábase de situar os distintos espazos da nosa biblioteca e, ó tempo, identificar neles diversas emocións. Para iso, o alumnado debía "ler" as propostas que presentábamos a través de diferentes formatos. 

ESTACIÓN 1: Escaleiras de acceso á Biblioteca

• Proposta: Pintura. Reprodución do Guernica, de Picasso
• Emoción: Horror, morte

ESTACIÓN 2: Biblioteca

• Proposta: Lectura. Crocodilo namorado (Primeiro ciclo de Primaria) - A estrela e o cabaliño (Segundo e Terceiro Ciclo de Primaria)
• Emoción: Amor

ESTACIÓN 3: Laboratorio de experiencias

• Proposta: Instalación.  Unha comida familiar
• Emoción: Alegría

ESTACIÓN 4: Biblioteca creativa

• Proposta: Cómic
• Emoción: Terror

ESTACIÓN 5: Aula Multisensorial

• Proposta: Música. Segundo movemento do Outono de Vivaldi
• Emoción: Tranquilidade

Cada aula dividiuse en catro grupos que realizaban un percorrido polas diversas estacións e confluían na Aula Multisensorial. Cando o grupo identificaba a emoción que se propoñía, recibían como agasallo unha sílaba do título do proxecto. 

Rematada a quinta estación, cada grupo recibía un encargo: representar nun folio cada unha das emocións vividas. 

Con estas obras de arte crearemos o noso mural do proxecto. 

Mentres, podedes gozar co noso álbum de fotos premendo na seguinte imaxe: