MIGUEL ANXO ALONSO DIZ

 O alumnado de 3º de Primaria recibiu  unha visita moi especial: a do escritor Miguel Ángel Alonso Diz, autor do libro Axencia Galega de Asuntos Máxicos.

Durante o encontro, Miguel Ángel falounos da súa obra e contounos como nacen as historias. Descubrimos que neste libro Gabriel e a súa veciña Lucía entran nun mundo cheo de misterio, fantasía e personaxes da mitoloxía galega, un universo máxico que está moito máis preto do que parece. 

Un dos momentos que máis nos gustou foi cando nos falou dos homes de bigote e doutras curiosidades sorprendentes que aparecen no libro. Escoitalo foi como abrir unha pequena porta á imaxinación.

Pasámolo moi ben, fixemos preguntas e aprendemos que as historias poden estar cheas de maxia, aventura e tamén de humor.

Moitas grazas, Miguel Ángel, por compartir connosco esta experiencia tan especial!