PIPPI!

Queremos ser coma ti!

En 1º B de Primaria, o primeiro achegamento ás mulleres extraordinarias foi a través de Pippi Mediaslongas. 

Proxectamos ante o alumnado varios fragmentos seleccionados do primeiro capítulo de Pippi (Pippi instálase en Kunterbunt). 

O alumnado debía recoñecer os personaxes que aparecían e identificar ó narrador. 

Centrámonos logo nos personaxes feminimos: Pippi e Anika. Eran iguais? Eran diferentes? Para iso, aportamos cartelería e imaxes, debendo relacionar ambos os dous entre todos. 

O resultado foi este: 

A seguinte pregunta permitiu diferenciar ó alumnado entre personaxes reais e de ficción. Credes que Pippi existiu de verdade?

Iso levounos a presentar o libro que encabeza este post, escrito pola Astrid Lindgren, no que lemos a descrición que se fai da nosa protagonista. 

Rematamos a sesión coa gran pregunta: Quen quere ser coma Pippi?

Asegúrovos que fomos lexión, aínda que... algún reticente si que atopamos!