PAPARON TODO...

... e máis que houbese!

O grupo C da aula de 2º A participou no Obradoiro de Cociña esta semana. Que marabilla traballar cun grupo tan voluntarioso, tan educado, e, sobor de todo, cuns hábitos alimenticios tan ben adquiridos. Repitiron, repitiron... e máis que houbese!

O menú desta semana foi crema de cabaza e porros e revolto de allos tenros. 

Estes son os ingredientes que empregamos:

E estes, os utensilios:

O proceso que seguimos foi:

CREMA DE CABAZA E PORROS:

1. Pelamos a cebola e a cabaza, e cortámolas en anacos grandes.

2. Pelamos as patacas e lavámolas. Cortámolas en anacos grandes.

3. Lavamos o pemento e os porros e cortámolos en anacos grandes.

4. Pomos todos os ingredientes nunha ola con auga. 

5. Botamos sal e pomos todo a ferver. 

6. Cando a pataca estea branda pasamos todo polo batedor. 

7. Por último engadímoslle dúas pezas de queixo en porcións. 

REVOLTO DE ALLOS TERNOS

1. Cortamos a flor dos allos ternos. 

2. Lavámolos e sacámoslle as barbas. 

3. Picamos os allos. 

4. Pómolos picadiños nunha tixola cun pouco de aceite e sal. 

5. Batemos os ovos. 

6. Botámolos na tixola e removemos cunha culler de madeira. 

7. Servímolo con pan. 

Premendo na seguinte imaxe poderedes acceder a fotos de todo o proceso: preparación, cociñado, colocación da mesa, fregado...

Resultou todo delicioso. Animádesvos a probar?