QUE SABOROSO!

Porque o fixemos nós!

O alumnado de 2º A rematou a súa participación no Obradoiro de Cociña. O derradeiro grupo preparou unha crema de leituga e arroz vexetal con produtos da nosa horta. 

Estes son algúns dos ingredientes que empregamos: 

Nestoutro vídeo poderedes aprender o vocabulario dalgunhas ferramentas e utensilios que empregamos para cociñar. 

CREMA DE LEITUGA

1. Pelamos a cebola. Cortámola en anacos grandes. 

2. Lavamos o porro, o pemento, o apio e a leituga.

3. Troceámolos.

4. Pelamos as patacas. Lavámolas e troceámolas. 

5. Botamos todos os ingredientes nunha ola cun pouco de auga e sal. Pómola ó lume. 

6. Cando a pataca estea branda, apagamos, e pasamos a crema polo batedor. 

7. Por último engadimos dous queixos en porcións e volvemos bater. 

ARROZ VEXETAL

1. Pelamos a cebola e picámola.

2. Lavamos o porro e o pemento. Picámolos. 

3. Lavamos as acelgas e picámolas. 

4. Debullamos as fabas e retirámoslles a pel. 

5. Lavamos o tomate e troceámolo. 

6. Botamos a cebola, o porro, o pemento, o tomate e as acelgas nun wok, cun pouco de sal e unha pinga de aceite. 

7. Cando estea feito engadimos unha taza de arroz. 

8. Removemos. 

9. Engadimos dúas tazas de auga e deixamos ferver a forno forte. 

10. Cando xa estea bastante feito engadimos as fabas e mesturamos. 

Premendo nesta imaxe poderedes acceder ó álbum de fotos da xornada, tomadas pola propia rapazada. 

A mesa está servida!