AXUDANTES DE BIBLIOTECA

A nosa biblioteca xa está chea de movemento e ilusión! Nas primeiras semanas de setemebro estivemos  buscando novos e novas axudantes de biblioteca, e tivemos moitas voluntarias e voluntarios con moitas ganas de formar parte deste equipo tan especial.

Os axudantes de biblioteca son os encargados de manter todo en orde, axudar aos compañeiros e compañeiras a atopar libros e, sobre todo, encher o espazo de boas enerxías.

Ademais, xa comezamos a ensaiar a presentación das nosas mochilas viaxeiras, que pronto comezarán a percorrer as casas das familias levando contos, xogos  e novas aventuras. 

Estamos seguros de que este curso a nosa biblioteca converterase nun lugar aínda máis especial, cheo de imaxinación, aprendizaxe e ilusión compartida.

Que comecen as aventuras lectoras!