OS REFRÁNS DE MAIO SOAN EN RADIO CASTELAO

Este mes de maio, o alumnado de 3ºA participou nunha nova experiencia de radio escolar elaborando un podcast dedicado aos refráns populares relacionados con este mes tan especial. A través desta actividade, os nenos e nenas achegáronse á tradición oral galega, descubrindo a sabedoría que agochan os refráns transmitidos de xeración en xeración.

Ademais, esta proposta permitiunos poñer en valor as nosas tradicións e a riqueza da cultura popular galega. Os refráns forman parte do noso patrimonio inmaterial e axúdannos a manter viva a lingua, as costumes e os coñecementos populares ligados á natureza, ao tempo e á vida cotiá.

O alumnado desfrutou moito da experiencia radiofónica, converténdose en auténticos locutores e locutoras por un día. Sen dúbida, unha actividade motivadora coa que seguimos aprendendo, comunicando e mantendo vivas as nosas tradicións.