CONCURSO DE RECITADO

Co gallo do Día da Poesía. 

O pasado día 23 de marzo celebramos o Día da Poesía. Por motivos de organización do centro foi imposible festexalo nesa data, polo que adiamos o Concurso de Poesía programado para a semana previa ás vacacións de Semana Santa.

O xurado que valore as interpretacións (que serán gravadas en vídeo e publicadas neste blog) terá en conta tanto a dicción como a posta en escena.

Ademais, os grupos gañadores representarán ó colexio na actividade que, co gallo do Día do Libro, celebraremos cos nosos veciños de APAMP, Alento e a Gardería Municipal.

Na preparación do recitado participarán tanto o profesorado titor como os especialistas. Polo pronto, os titores teñen elixido cadanseu poema:

• 1º curso de Primaria: 
• Medrou unha planta
• Que as árbores falen
• 2º curso de Primaria: 
• Dous poemas de Antonio García Teijeiro
• No río bailan os peixes
• 3º curso de Primaria: Están moi cansas as barcas
• 4º curso de Primaria: O mar parece
• 5º curso de Primaria: Querido río
• 6º curso de Primaria: Dous poemas en inglés

A ensaiar!