GRAVANDO COAS REDACTORAS DE RADIO VOZ

E falando de don Paco. 

O pasado 29 de maio estiveron na nosa biblioteca Antía e Noelia, redactora e técnica de gravación, respectivamente, de Radio Voz. 

O alumnado de 4º de Primaria, que levaba semanas coordinando o tema, participou na biblioteca dunha charla con Antía, na que falou sobre as emisoras de radio e os tipos de programas que se emiten. 

Rematada esta, Leire e Pablo, asesorados por Noelia, exerceron de técnicos de gravación. (E abofé que aprenderon un montón: tanto como para darnos clase). 

E comezou a gravación do noso programa, no que, tras a presentación de catro alumnos de 4º, participou un alumno ou alumna de cada aula de Primaria. 

Nun post posterior, cando teñamos a gravación montada, explicarémosvos o proceso de creación do programa. 

Mentres deixámosvos co álbum de fotos do día, ó que poderedes acceder premendo na seguinte imaxe. 

Grazas, Noelia e Anría, polo moito que nos aprendestes.