A MAGA TOMASA CONVÍDANOS...

... a decorar a nosa Biblioteca.

Alá no primeiro trimestre a nosa Biblioteca comezaba a tomar forma. Unhas cores neutras para proporcionar paz e serenidade. Uns espazos amplos... pero talvez faltaba algo de calidez.

O Equipo de Biblioteca pensou que nada aportaría máis cor e calor que a creatividade do noso propio alumnado. Por iso, a Maga Tomasa escribiu unha carta a todas as aulas con esta proposta:

1. Lede o libro que atoparedes no atril: A Meniña de libros. Esa meniña ben podería ser un dos personaxes que habitan na Biblioteca. Deleitádevos coa musicalidade das palabras e fixádevos na beleza das ilustracións. 
2. Deixade novamente o libro no atril: outros grupos terán que facer uso del.
3. Agora teredes que facer a vosa propia ilustración sobre a frase que se vos entregue.

As frases elixidas foron as seguintes:

• Educación Infantil 5 anos: Naveguei mares de palabras
• 1º e 2º de Primaria: Poderemos perdernos en bosques de contos
• 3º e 4º B de Primaria: Este é o noso mundo que fixemos de historias
• 4ºA e 5º de Primaria: A nosa casa é o fogar da invención
• 6º de Primaria: Veño dun mundo de historias

Coas aportacións do alumnado organizamos un Concurso que ten como finalistas os seguintes traballos (ide premendo nas imaxes para ver os documentos completos): 

Naveguei mares de palabras

Poderemos perdernos en bosques de contos

Este é o noso mundo que fixemos de historias

A nosa casa é o fogar da invención

Veño dun mundo de historias

A crise da pandemia non nos permitiu elixir, polo de agora, gañadores. Aínda que... o veredicto do xurado será difícil. Non credes?