E PARA REMATAR O CURSO...

... a Biblioteca da Maga Tomasa, na revista EDUGA. 

Pois si. E por partida dobre. 

A revista Eduga é un referente de boas prácticas no sistema educativo galego. Un apartado senlleiro é o adicado a Bibliotecas Escolares. 

Pois ben: a biblioteca da nosa escola aparece na dita publicación por partida dobre: 

• Nun artigo titulado Alfin en tempos de coronavirus, onde analizamos como  evolucionou o noso PDI deste curso (Primus circumdedisti me) dende o momento en que se decretou o estado de alarma. 
• Por outra banda, no artigo escrito pola Asesoría de Bibliotecas titulado Bibliotecas escolares abertas, activas e imprescindibles, tamén se cita o noso proxecto no apartado de Traballo por proxectos. 

Pois coma sempre... parabéns a toda a Comunidade educativa. Porque, remando xuntos, a pesar das dificultades, conseguimos pechar o círculo.  Non chegamos ó porto de saída, como Elcano. Pero si que conseguimos ofrecer uns produtos ben interesantes. 

Bo verán, e... seguide atentos ó blog, que o noso PDI aínda está coleando!