POESÍA E ÉPICA NO CINE

Coma na viaxe de Magallanes e Elcano. 

Ola de novo, familia!

Achegándose a fin de semana queremos facervos unha proposta de cine. Boas propostas para que gocedes en familia.

As que temos escollido hoxe teñen un punto de poética, de literatura e de aventura. Elementos que seguramente non faltaron na viaxe de Magallanes e Elcano. Querían descubrir novos mundos para facerse ricos. Iso levoulles a vivir aventuras inimaxinadas, e a descubrir paisaxes marabillosas. Todo iso é o que vos propoñemos para esta fin de semana.


1. A lúa

Unha fermosísima curta para esta fin de semana. Ofrécenos beleza, pero tamén unha reflexión: se traballamos en equipo, as cousas fanse máis rápido e con menos dificultades. Unha boa aprendizaxe para estas datas nas que, ás veces, a convivencia non resulta nada doada.





2. A volta ó mundo en 80 días

No século XIX, Julio Verne escribiu unha novela na que o protagonista daba a volta ó mundo, como Elcano. Só que, en lugar de dirixirse hacia o Oeste facíao cara ó Leste.

Existen varias adaptacións cinematográficas desta novela. Deixámosvos coa primeira, interpretada polos fantásticos David Niven, Cantinflas e Shirley McLain. (Preme na imaxe para acceder ó enlace).

3. As minas do rei Salomón

A ambición trasládanos a África, nesta cinta protagonizada por Steward Granger e Deborah Kerr. (Preme na imaxe para acceder ó enlace)

Gozade e viaxade en familia!