E AÍNDA QUE SEXA CONFINADOS...

... nós celebramos o Día do Libro.

Como cada 23 de abril, as Bibliotecas Escolares de Galicia celebramos o Día do Libro. Este curso, o encargado de escribir unhas palabras para conmemorar esta data foi o escritor e xornalista Manuel Gago.

Noutras ocasións, o Día do Libro era sinónimo de encontro: con autores, con compañeiros doutras aulas, con padriños e madriñas lectores, cos nosos amigos e veciños de Alento, APAMP, da Gardería Municipal...

Este curso non podemos achegarnos fisicamente. E, sen embargo, como escribe Manuel Gago,

Cada vez que abrimos un libro, cada un de nós atópase co resto da humanidade

Iso é precisamente o que quixemos transmitir nesta peculiar ocasión: que a lectura nos achega e nos permite estar máis preto os uns dos outros.

En primeiro lugar, achegounos ó Departamento de Orientación, que nos agasallou con esta magnífica recompilación de videocontos relacionados coa igualdade.

Por outra banda, os libros permitíronnos petar na porta das nosas familias e compartir o seu silencio, a súa intimidade e a súa lectura. Que ledicia vernos, aínda que só sexa en foto!

Sigamos compartindo sonos, futuro... e lecturas! 
Feliz Día do Libro!