BAUTISMO ESCORNABÓTICO
En 2º de Primaria.
Nas últimas semanas, a rapazada de 2º de Primaria está acudindo á Biblioteca para traballar cos escornabots.
Participar nestas sesións é toda unha sorpresa. Hai un halo máxico: todo rezuma entusiasmo e expectación, e contrariamente ó que poidades pensar, a sesión dá para pensar moito.
Os rapaces chegan á sala creativa e tan só atopan o escornabot enriba da mesa de robótica. Non explicamos nada. Só preguntamos: que será isto? E o descubrimento é marabilloso: "non teño nin idea"; "ó mellor, é un robot"; "pode ser un robot porque ten rodas, botóns, unha pila e cables".
E se prememos nos botóns?
Pois tamén tivemos que pensar. Ó principio, non pasaba nada, premésemos onde premésemos. Por iso pensamos que, talvez, habería que pulsar os botóns de cores, e, logo, confirmar co branco.
Así foi. O robot comezou a funcionar.
Logo tivemos que lembrar que movemento realizaba o robot ó premer cada botón; e cando xa o tivemos claro, empezamos a idear combinacións de movementos.
Se premedes na seguinte imaxe, accederedes ó álbum de fotos.
Remataba a sesión, e combiña anotar todo para lembrarnos outro día. Así que cubrimos unha ficha que, ademais de nos servir de recordatorio, permitiunos traballar a lateralidade.
Deixámosvos aquí cunha gravación sobre o noso primeiro achegamento escornabótico.
Comentarios