ARROZ CON CHÍCHAROS...

... patacas novas...

Seguro que moitos de vós estades cantaruxando este titular. Porque, efectivamente, trátase dunha copla tradicional galega. 

Como sabedes, este curso queremos potenciar a oralidade e a tradición oral. E que menos que recuperar todas esas fermosas coplas que se cantaban nas noites de inverno ó redor da lareira! 

Galicia é terra de agricultores, e moitas das tarefas do campo acompañábanse de cantos. E moitos cantos falan de produtos ou traballos da horta. Por iso, o Equipo Dinamizando e Normalizando a Convivencia e o Equipo de Biblio-TAC queren convidarvos a participar nesta iniciativa. 

Queres colaborar connosco na preservación do noso legado cultural?

Pois segue estes pasos. 

1. Prepara a gravadora do móbil.
2. Vai onda os teus avós ou persoas maiores e pregúntalles por coplas que falen de traballos do campo ou de produtos da horta. 
3. Se poden cantalas, moitísimo mellor: na clase de Música traballaremos con elas. 
4. Grávaos.
5. Envía a túa gravación á seguinte dirección de correo: 

magatomasa@ceipcastelaovigo.com

Ademais de pasar un rato estupendo cos teus familiares, terás contribuído a preservar o legado cultural da nosa terra. 

Micrófonos preparados!

Imaxe: JUANTIAGUES. Una pandereteira. En Flickr. CC BY SA