ROBÓTICA EN INFANTIL

 
Non só para xogar.

En Educación Infantil estamos comezando a traballar cos beebot, uns pequenos robots con forma de abella. Moitos cativos xa veñen moi motivados da casa, e coñecen perfectamente o manexo do robot. Pero o obxectivo da actividade non é coñecer os movementos da abella, senón traballar un montón de aspectos: 
  • a lateralidade
  • a numeración
  • a direccionalidade na lectura 
  • a iniciación á escritura
  • o pensamento computacional
  • a planificación
  • o traballo cooperativo
  • ...
Comezamos polo principio: por coñecer os movementos do bichiño: as frechas que o moven cara adiante e cara atrás, á dereita e á esquerda. E tamén o botón de inicio e o de "borrado". 


Logo asignamos unha cor a cada movemento
  • azul: cara adiante
  • amarelo: cara atrás
  • verde: á dereita
  • vermello: á esquerda
Antes de pensar movementos no taboleiro convertémonos en robots que camiñaban sobre unha cuadrícula pintada no chan: 
  • pulsando na barriga moviámonos cara adiante;
  • na espalda, cara atrás; 
  • no ombreiro dereito, xirabamos á dereita;
  • no ombreiro esquerdo, xirabamos á esquerda

E agora... imos contar!

Situados na casilla de inicio, cada rapaz tiña que levar o robot ata un número. Primeiro, cadro a cadro. Logo, facendo varios movementos seguidos. 


Por último, temos que escribir na ficha colectiva a sucesión de botóns que temos que programar para acceder a cada número. Para iso aplicamos unha adaptación da estrutura de traballo cooperativo titulada lápis ó centro: un neno explica oralmente o que debe facer para que o robot se desprace ata un determinado número. Seguindo un orde rotatorio cada á dereita, o resto dos rapaces debe corroborar a proposta ou, en todo caso, emendala. 

Cando cheguen a un acordo, o primeiro neno escribe a programación na ficha de traballo, empregando gomets. 

Unha vez escrita, programa o beebot e comproba que a programación está ben feita. 



Podedes acceder ó álbum de fotos premendo na seguinte imaxe: 



Continuaremos informando!










Comentarios