ENTUSIASMADOS!

Na primeira experiencia cos ozobots. 

Xa hai algún tempo que, na escola, temos ozobots para traballar nas aulas de Educación Infantil. Pero as circunstancias non permitiron comezar a experimentar con eles ata o de agora. 

A semana pasada, os cativos e cativas de 4 anos B tiveron a súa primeira experiencia con estes pequenos robots. E cal foi o resultado? Auténtico entusiasmo! Eles mesmos van sacando as súas conclusións, como podedes comprobar neste vídeo. 

O interese por esta pequena ferramenta mostrouse nos seus debuxos libres: un montón de circuitos para que siga o ozobot, como podedes ver na imaxe que encabeza este post. 

A continuar investigando!