PIZZA VEXETAL...

... e ensalada verde.

Este foi o menú elaborado polo alumnado de 4º B.

Neste vídeo tedes á rapazada presentando o seu menú.

PIZZA VEXETAL

1. Preparamos a masa.

Estes son os ingredientes que precisamos:

O proceso que seguimos foi o seguinte:

Botamos a fariña nun recipiente. Engadímoslle unha pinga de sal e media cullerada de aceite.
Nun vaso, mesturamos o lévedo coa auga templada.
Cando estea mesturada, engadímoslle o contido do vaso á fariña.
Amasamos todo, facendo unha bola.
Se a masa quedase demasiado branda, botaríamos un pouco máis de fariña.
Tapamos o recipiente cun pano, e deixamos repousar, alomenos, media hora.
Cando a masa estea preparada, engraxamos a bandexa da pizza cunha pinga de margarina.
Colocamos a masa no medio, e, coas mans lavadas, imos extendéndoa cara ós lados, ata cubrir toda a bandexa.

2. Preparamos a pizza

Estes son os ingredientes que temos empregado:

E este foi o proceso que seguimos:

Lavamos o porro, a cabaciña e a berenxenas.
Cortámolos en tacos.
Picamos a cebola.
Lavamos o tomate.
Cortámolo en rebandas.
Sobre a masa extendida na fonte extendemos un par de culleradas de salsa de tomate, de xeito que todo o fondo quede cuberto.
Enriba do tomate colacamos tres lonchas de queixo.
Sobre elas, tres lonchas de xamón cocido.
Esparexemos a cebola e o porro picados.
Engadimos os tacos de cabaciña e berenxena.
Distribuímos as rebandas de tomate.
Sazonamos cunha migalla de sal.
Espolvoreamos con queixo raiado.
Pomos a pizza no forno a 180º durante uns vinte minutos.

ENSALADA VERDE

Estes son os ingredientes que empregamos.