MÁIS FORMACIÓN DE USUARIOS

Co alumnado de 5º de Primaria. 

O luns, o alumnado de 5º de Primaria pasou pola Biblioteca para facer a súa Formación de Usuarios vencellada á ALFIN.

Partindo da temática do seu proxecto (relacionado coa enerxía hidráulica) identificamos os aspectos que sería posible traballar, tales como a auga, a electricidade, a tecnoloxía, os ríos, etc.

Onde atopar información? Nos libros, na internet, na Biblioteca, na televisión, na prensa, nas revistas. Tamén consultando con persoas anciás ou expertas.

Accedimos logo a unha selección de documentos, e distinguimos os informativos e os de ficción.

Pero... como saber se un documento pode resultar, realmente, útil para a nosa investigación? Descubrimos varias pistas:

• o título que aparece na cuberta; 
• a pequena explicación da contracuberta; 
• o índice.

Analizamos tamén as etiquetas do lombo, e identificamos as distintas seccións da CDU nas que podemos obter información. E, incluso, tivemos que crear a etiqueta dalgún libro que estaba sen catalogar.

E agora... a investigar!